لقاء مع القارئ الموهوب الشاب الشيخ محمد رضا البدوى

 لقاء موقع الوطن تايمز مع الشيخ محمد رضا البدوى 

مساء الخير يا مولانا 

عرفنا بنفسك ؟؟؟

أولا أنا بشكرك علي تشريفك ليا استاذ محمد الشيخ 

انا اخوك الفقير الي الله محمد رضا البدوى 

ابن قريه الزهايرة العريقه بلد العظماء

ولي الفخر والعزة 

 مركز السنبلاوين بمحافظه الدقهلية 

حضرتك خريج اي ؟؟

خريج كليه الحقوق جامعه المنصورة 

احكيلنا عن موهبتك وازاي انت قدرت تنميها وتطور من نفسك ؟؟

انا من صغري وانا عندي موهبه القراءة وحسن الصوت وكنت وانا صغير امشي واسافر عشان احضر الحفلات الدينيه ومن حسن حظي اني انتمي لقرية كبيرة وعريقه ومدرسة كبيرة في السمع وحبهم للقرأن وتلاوته ..

مين من المشايخ اللي انت كان لك الحظ انك تتدرب علي أيديهم ؟؟؟

طبعا أغلبهم من بلدنا وللذكر وليس الحصر كان الشيخ الدكتور سيد الشرقاوي عضو لجنه تصحيح المصحف ..

مين من المشايخ والمقرئين كان لك الحظ أن تزاملهم في عزاء ؟؟

طبعا ليا الشرف اني زاملت الشيخ الكبير ابراهيم المسلمي والحكمدار .الشيخ محمود صابر 

..

بتحب تسمع لمين من القراء ..

لا أخفيك سرا اني من عشاق

 الشيخ الشحات انور

 والشيخ محمد عبدالوهاب الطنطاوى 

والشيخ محمد الليثي

والشيخ سيد متولي

 وأغلب القراء بسمع لهم وعمالقه وتاريخ في دولة التلاوة في مصر والعالم الاسلامى ولكن دول ليهم مكانه كبيرة عندى ..

هل قراءه القران وزهابك للعزاءات مأثرة عليك في تخصصك وخصوصا أنك خريج حقوق ؟؟

بالعكس فالقرآن الكريم هو دستورنا وحفظي القراءن الكريم مسهل ليا كتير جدا في مجال تخصصي 

انا بشكرك علي حسن استقبالك وع ضيافتك الجميله لينا واسعدتنا بلقاءك 

الشرف ليا أنا طبعا وتحت امرك في اي وقت وبالتوفيق للجميع